Ака уйăхĕн 25-мĕшĕ – Чăваш чĕлхи кунĕ. Чăваш  чĕлхи куне ахальтен мар  çак кун паллă тăваççĕ. Шăпах çак кун 1848 çулта Аслă вĕрентекенĕмĕр И.Я.Яковлев çуралнă. Пирĕн шкулта çак куна халалласа 1-11 классенче «Тăван чĕлхем – чăваш чĕлхи»  класс сехечĕ иртрĕ.

Ака уйăхĕн 27-мĕшĕнче 11-мĕш класра вĕренекенсем хушшинче «Патăрьелĕм, савнă Патăрьел» викторина иртрĕ. Ачасем  тăван района мĕнле пĕлнине кăтартрĕç.Викторинăра яланах  çĕнтерÿçĕ пур. Вăл Юркина Нонна пулчĕ.Афанасьева Алёнăпа Тракова Екатерина 2- мĕш вырăна, Андреева Анастасия 3- мĕш вырăна тухма пултарчĕç. Çĕнтерÿçĕсене саламлатпăр!!!

Ака  уйăхĕн 28-мĕшĕнче 7-мĕш класра вĕренекенсем хушшинче чăваш чĕлхипе литература учителĕ Матюшкина И.В. «Çăлтăр сехечĕ» вăйă ирттерчĕ. Ачасем хăйсемпе пллаштарчĕç, И.Я.Яковлев пурнăçĕпе пултарулăхĕ тăрăх хатĕрленĕ ыйтусене хуравларĕç. Кашни тĕрĕс хуравшăн учитель ачасене çăлтăр парса пычĕ. Кашни тур хыççăн чи сахал çăлтăр пуçтарнă мăшăр тухса ÿкрĕ. «Çăлтăр сехечĕ» вăйăра Мешкова Ольгăпа Матюшкина Рая çĕнтерчĕç