Чăваш чĕлхи кунĕнче

                Чăваш чĕлхи кунне халалласа Пăлапуç Пашьел шкулĕнче линейка иртрĕ. Унта Чăваш Республикин гимнĕ  янăрарĕ. Ирина Матюшкина вĕрентекен чĕлхе пĕлтерĕшĕ çинчен, çак уява хăçан ирттерме пуçлани çинчен пĕлтерчĕ. Светлана Никитина вĕрентекен йĕркеленипе 5-7 класс  ачисем  «Янăра , тăван  чĕлхеçĕм!» литмонтаж  лартса пачĕç. Уççăн та хавассăн янăрарĕç  тăван чĕлхене халалланă йĕрексем. 6 класри Оксана Алексеева, Анастасия Соколова, Семен Спринсян Стихван Шавлин «Вĕçкĕн  Ваççа» хайлавĕ тăрăх инсценировка кăтартса пачĕç.

           Çак кунах  51 ача тата икĕ вĕрентекен вара «Пĕтĕм чăваш диктанчĕ – 2016» акцие хутшăнса парта хушшине диктант çырма ларчĕ.