Искусствãпа технологи эрнинче

Пăлапуç - Пашьел вăтам шкулĕнче çак кунсенче искусствãпа технологи эрни пулса иртрĕ. Музыка эрнинче вĕренекенсем тĕрлĕ çитĕнÿсем тума пултарчĕç. 5-6 классенче «Камертон» интеллектуаллă вăйă иртрĕ.  Çак вăйăра Степанова Ксения, Максимова  Валерия, Матюшкина  София малтисен ретĕнче  пулчĕç.

Çиччĕмĕш – саккăрмĕш  классенче вĕренекенсем валли «Своя игра» конкурс пулса иртрĕ.   Чи нумай балл пухакансем çиччĕмĕш класра вĕренекен Светлана Матюшкина, Алексей Бахитов, Ирина Христофорова  пулчĕç. Маттур ачасем! Эпир сирĕнпе мухтанатпăр!

Искусство эрнине пĕтĕмлетнĕ кун шкул сцени илемлĕ юрă-кĕвĕпе янăраса тăчĕ. Кĕçĕн классенче вĕренекенсем тата шкула кайма хатĕрленекен ачасем Раççейре экологи çулталăкĕ тата Чăваш Енре ашшĕ-амăшĕн  çулталăкĕ  пулнине халалласа уяв концерчĕ  лартса пачĕç. Тавах хастар пулнишĕн!  Шкул сирĕн пулас çитĕнÿсемпе мухтанса тăрĕ. Сире вĕрентекен Ольга Николаевнăна, Лариса Геннадиевнăна, Татьяна Николаевнăна, Раиса Арсентьевнăна, Индира Владимировнăна, Нина Валентиновнăна ачасене пултарулăх енĕпе аталантарнăшăн, пуçаруллă та ăслă пулма вĕрентнишĕн тав сăмахĕ калас килет.

ПОДРОБНЕЕ  В  ФОТООТЧЕТАХ