Çĕнтерÿçĕсене саламлатпăр!

       Нумаях пулмасть Чăваш патшалăх педагогика университечĕ Иван Яковлевич Яковлев 170 çул тултарнине халалласа шкул ачисемпе студентсем валли интернет олимпиада йĕркелерĕ. Пăлапуç Пашьелти вăтам шкул ачисем те çак олимпиадăна хастар хутшăнчĕç. Сехет çурă хушшинче çăмăлах мар 30 ытла ыйту çине хурав памалла пулчĕ. Вĕсем пурте Иван Яковлев пурнăçĕпе, ĕçĕ-хĕлĕпе çыхăннăччĕ. Олимпиада пĕтĕмлетĕвĕсем вара ачасене чăннипех те савăнтарчĕç. Кунта Чăваш Республикипе Тутарстанри   413 ача хутшăннă иккен.      

       7-9 -мĕш классем хушшинче пирĕн шкулти 8 класра вĕренекен Светлана Матюшкина тата 9-мĕш класри  Ксения Чернова 1-мĕш вырăна тухма пултарчĕç, София Матюшкина (7 класс), Алексей Бахитов (8 класс), Сергей Мешков , Ирина Мазякова, Виктория Аблясова

 (9 класс) — 3-мĕш вырăнта.

      10-11 класс ачисем те тăрăшуллă пулчĕç. 10 класри Инна Краснова иккĕмĕш вырăн çĕнсе илнĕ, Алла Краснова вара 3-мĕш вырăна тивĕçнĕ.  8 класри Степанида Степановăпа 9 класри Лидия Храмова  хушамачĕсем те çĕнтерÿçĕсемпе юнашарах. Ачасене Светлана Никитина, Ирина Матюшкина, Вероника Бахитова вĕрентекенсем, Елена Иванова библиотекарь хавхалантарса тăчĕç. Çĕнтерÿçĕсене саламласа малашне те çитĕнÿсем сунатпăр!