Тăван чĕлхе кунне халалласа  Пăлапуç Пашьел вăтам шкулĕн 7-мĕш класĕнче вĕренекенсемпе Светлана Никитина чăваш чĕлхипе литература учителĕ «Пĕлÿ арчи» ятпа конкурс ирттерчĕ. Унта класĕпех хутшăнчĕç. Тăван чĕлхе, литература, тăван ен культури тавра йĕркеленĕ тĕрлĕ ыйтусем çине хуравларĕç ачасем, ĕçсем турĕç. Сăвă йĕркисенчи сиксе юлнă сăмахсене вырнаçтарчĕç, Район ячĕсене чăвашла-вырăсла пĕлессипе ăмăртрĕç, метаграммăсен тупсăмĕсене шĕкĕлчерĕç, ваттисен сăмахĕсене вĕçлерĕç. Ытти ĕссем те кăсăклă пулчĕç. Чи пысăк балл пухса Ксения Степанова мала тухрĕ, Саша Аблясов, Катерина Васильева, Валерия Максимова ĕçĕсем те ăнăçлă. Вăйă конкурс вара  пурне те килĕшрĕ.